Монголын мал эмнэлгүүдийн дундын хоршоо болон “Ветеринари Фанайнс” хоршоо хамтран ажиллах гэрээний хүрээнд хийгдэж байгаа ажлын нэг хэсэг нь Дундын хоршооны үйл ажиллагаанд байнгын идэвхтэй оролцож байгаа гишүүдээ дэмжиж, худалдан авах чадавхыг сайжруулах зорилгоор “Жижиглэн худалдааны санхүүжилтийн зээлийн шугам” юм.

Зээл олгох нөхцөл:

• Зөвхөн хоршооноос борлуулж буй бүтээгдэхүүн худалдан авахад санхүүжилт олгох.

Ерөнхийн шалгуур:

• Хоршооны “Шилдэг 100” гишүүдийн нэг байх.
• Ногдол ашгийн авлага  1 сая төгрөгөөс дээш байх.
• Банк болон санхүүгийн байгууллагад хугацаа хэтэрсэн зээлгүй байх.
• Хоршоонд өр төлбөргүй байх.

Бүрдүүлэх материал:

• Хүсэлт
• Байгууллагын гэрчилгээ, дүрэм
• Иргэний үнэмлэх
• Итгэмжлэлийн хуулбар

Шугамын зээлийн ерөнхий нөхцөл:

• 3,500,000 /Гурван сая таван зуун мянган/ төгрөг хүртэлх зээлийн эрхтэй.
• 1 жил хүртэлх хугацаатай байна.
• Зээлийн хүү сарын 3%
• Зээл олголт бүрд 0.5% шимтгэлтэй.
• Сар бүр үндсэн зээлийн үлдэгдлээс багадаа 10% -ийг тухайн сарын хүүгийн төлбөртэй хамт эргэн төлөх.

**  Зээлийг гэрээний дагуу, ямар нэгэн зөрчилгүй төлж барагдуулсан тохиолдолд талууд харилцан тохиролцож “Зээлийн эрх”-ийн дүнг нэмэгдүүлж, хугацааг сунгаж, хүүг бууруулах боломжтой.